Takim me komisionin qytetar, Elbasan

Jun 01, 2016 unemonitoroj Premtimet, Pune qe po behen, Takim me komisionin qytetar 0

Brenda 12 muajve (1 viti), Elbasani, qyteti do të ketë 24 orë ujë dhe brenda mandatit, fshati do të furnizohet 24 orë me ujë të pijshëm.
Kanë filluar investimet, projekti është 5 milionë euro për rikonstruksionin e të 3 puseve me pompa digjitale të cilat japin më shumë ujë dhe kursejnë 20 % energji.
Do të vendosen 28 sahatet elektoronikë dhe qytetari më në fund do të paguajë për aq ujë sa shpenzon. Dhe ajo që është më e rëndësishmja, që këto sahatë do të vendosen falas nga ndërmarrja.
Të gjithë fëmijët e shkollave që lëvizin urban apo autobus për të shkuar në shkollë, do të kenë abone falas nga Bashkia, është kjo një mënyrë për t’i ardhur në ndihmë shtresave në nevojë. Në Bashkinë e re Elbasan, transporti është i gjithi i mbuluar me urbanë, autobuzë dhe furgona
Në dy vitet e para të mandatit, do të përfundojë instalimi i sistemit të ri të ngrohjes në të gjitha shkollat 9-vjeçare dhe të mesme të qytetit. Prandaj edhe nuk kemi ndërhyrë në rikonstruksionin e brendshëm të shkollave, sepse duam të bëjmë investim themelor për këtë problem, që kap shifrën e 25 milionë eurove. Brenda vitit 2016 synoj ta kemi përfunduar këtë projekt.
Përveç ndriçimit do të ketë edhe Wireless falas në 12 Njësitë Adminisrative.
Vendosje më e shpeshtë e vendgrumbullimit të mbetjeve (kazanë mbeturinash).
Po ndërtojmë landfillin e ri, impiantin e djegies së plehrave, i cili kap shifrën e 22 milionë eurove dhe për të punuar ai impiant, kërkom 150 ton plehra në ditë. Që do të thotë, jo vetëm plehrat e Elbasanit duhet të mblidhen çdo ditë derë më derë, por edhe të komunave, edhe të sipërfaqeve të tjera. Ky është një detyrim yni me firmën.
Objektivi kryesor në qytetin e Elbasanit është ndërtimi i impiantit të trajtimit të ujërave të zeza, në të njëjtën sipërfaqe ku po ndërtohet impianti i djegies së mbeturinave. Nërtimi i tij cilit do të jetë zgjidhja përfundimtare për mos ndotjen e lumit Shkumbin, aty ku aktualisht derdhen ujërat e zeza. Kostoja e tij është 30 milionë euro por do të përpiqemi që të bindim qëverinë që ta bëjmë në të njëjtën mënyrë, siç po bëjmë edhe landfillin e mbetjeve urbane në zonën e ish-kombinatit Metalurgjik.
Aktualisht janë 12 gryka që derdhin ujërat e zeza të qytetit në Shkumbin, dhe kjo duhet të marrë fund me ndërtimin e impiantit.
Të gjitha kopshtet do të kenë ngrohje me panale diellore, nuk do të ketë më asnjë problem me ngrohjen në kopshtet publike në qytet.
Brenda 1 viti do të ndërtojmë palestrën e Kopshtit Nr. 9.

Në qytet do të ndërtohen edhe 4 kopshte të reja brenda 4-vjeçarit dhe 12 kopshte të reja do të ndërtohen në çdo qendër të 12 komuanave që tani janë pjesë e Bashkisë Elbasan.