“Shqipëria punon tokën”, Elbasani prezanton produktet e zonës
Bashkia e Elbasanit ka marrë pjesë në panairin kombëtar “Shqipëria Punon tokën”. Në këtë panair agrobujqësor Elbasani mori pjesë me 12 biznese të zonave të ndryshme.
Sipas Shefqet Bullarit, drejtorit të koordinimit të Njësive Administrative, në këtë panair marrin pjesë biznese nga zona e Shpatit, Treganit, etj, ku janë biznese kryesisht të zejtarisë, të prodhimeve bujqësore dhe nënprodukteve të tyre. Panairi “Shqipëria Punon tokën” zgjati dy ditë ku pjesëmarrësit dhe vizitorët ishin të shumtë. Sipas bizneseve, ishte një panair mjaft frytdhënës, por mbi të gjtiha një panair që promovon zonat e tyre.
“Shqipëria Punon tokën”, është panairi më i madh bujqësor, blegtoral, ku marrin pjesë fermerë, blegtorë dhe sipërmarrës shqiptarë dhe ata të trojeve shqiptare jashtë kufirit, si Kosova dhe Maqedonia. Produktet shqiptare janë ekspozuar dhe përcjellë tek njerëzit nën skenografinë e vendit ku prodhohen.
Gjithashtu pranë këtij panairi është gjendur edhe një arenë e manifestimit të kulinarisë shqiptare ku mjeshtrat e kuzhinës dhe restorantet, ofruan mundësinë e degustimit të recetave më të spikatura. Në panair kanë qenë rreth 500 ekspozitorë të ndarë në këto kategori kryesore: Të rinjtë sipërmarrës në bujqësi, Agroindustri, Verëra, alkool, Agroturizëm, Fruta-perime, Blegtori, Produkte shtëpie – tradicionale, Banka, fonde garancie në bujqësi etj.
Related articles
More in this category
Të fundit
