Elbasan/ Banorët në protestë kundër ndotjes: Po na rrezikohet jeta

Apr 10, 2019 unemonitoroj Denoncime, Lajme 0

Banorët e fshatit Vidhas në Elbasan kanë protestuar ditën e sotme për ndotjen që ju vjen nga operatorët industrialë, por së fundmi u është shtuar edhe ndotja akustike që ju shkakton një firmë, e cila demonton mbetejet e skorëve të uzinës së ferrokromit.

Banorët ankohen se cdo ditë jeta e tyre është në rrezik dhe këtë e dëshmon numri i të prekurve nga sëmundje kancerogjene. Ata kërkuan nga firmat private të zbatojnë vendosjen e filtrave për të ulur ndotjen, dhe eleminimin e zhurmave, shkruan “Shqiptarja.com”.

Njëri nga banoret shprehet se ndotja po dëmton edhe tokat bujqësore. Nëse dikur prodhimet që merrnin nga ulliri apo pemët e tjera ishin të kënaqshme në ditët e sotme ky prodhim është ulur ndjeshëm.

Ndërsa menaxheri i firmës thotë se procesi i coptimit nuk sjell ndotje të ajrit, as akustike, por kjo gjë u kundërshtua menjëherë nga banorët.

Vetëm në Papër janë rreth 3 mijë banorë që vuajnë ndotjen e shkaktuar nga industria e rëndë. Çdo ditë një re e dendur tymi mbulon gjithë zonën përreth, ndërsa e vetmja shpresë për banorët është shteti.